Please Download File Here !!

               मामाचा गांव

                (चाल : झुक झुक आगीन गाडी, मामाच्या गावाला जाउया ! )

भुर्र ऽ भुर्र ऽ भुर्र ऽ भुर्र ऽ आवाज काढीत

हवेत पेट्रोलचा धूर सोडीत

हवेचे प्रदुषण वाढवू या    ॥धृ॥  मामाच्या गावाला जाउया!

मामाचा गाव फार लांब

दिसले हॉटेल तिथेच थंब

चहा नाश्ता करूया  ॥१॥  मामाच्या गावाला जाउया !

मामाचा गांव आडवाटा

अगणित खड्डयांचा साठा

हाडे मोडीत जाउया  ॥॥२॥ मामाच्या गावाला जाउया !

मामाच्या गावाला धरण

हंडाभर पाण्यासाठी वणवण

फँटा, कोका कोला पिउया  ॥॥३॥ मामाच्या गावाला जाउया !

मामाचा गाव कोसभर

मैला मैला वर पथकर

पैसे उधळीत जाउया  ॥४॥ मामाच्या गावाला जाउया !